Kituo cha huduma ya pamoja cha Rusumo mpakani mwa Tanzania na Rwanda chaharakisha utendaji kazi.

Siku chache baada ya Rais wa jamhuri ya Muungano wa Tanzania John Pombe Magufuli kuzindua rasmi kituo cha kutoa huduma kwa pamoja cha Rusumo kilichoko kwenye mpaka wa nchi za Tanzania na Rwanda,maofisa wakuu wa Idara ya Uhamiaji na Mamlaka ya Mapato (TRA) wameelezea jinsi  kituo hicho kitakavyosaidia kuharakisha utendaji wa kazi na namna kitakavyoiongezea serikali mapato.

Wakizungumza na ITV kwa nyakati tofauti maofisa hao ambao ni pamoja na Kaimu Kamishina Jenerali wa Idara ya Uhamiaji, Victoria Lembeli na Kamishina mkuu wa mamlaka ya Mapato Alphayo Kidata wamesema kituo cha huduma kwa pamoja kilichozinduliwa kitasaidia kuhakiki taarifa kwa urahisi zaidi na kwa wakati kwa kuwa shughuli za mpakani zitafanyika kwenye jengo moja na  kitawaondolea usumbufu wasafirisha mizigo waliokuwa wakiupata wa kukaa muda mrefu kwenye mpaka huo wakati wakisubiri kuhakikiwa kwa mizigo waliyokuwa wakisafirisha

Chanzo: http://www.itv.co.tz/